Problems and Laughters

Hindi maiwasan sa bawat araw ang mag-isip kung gaano ka hirap ang mabuhay. Marahil halos lahat sa atin ay ninais ang mga paraan ng madaliang pag-unlad sa buhay. Subalit hindi naman talaga ganun kadali ang mabuhay, dahil tayo mismo ang ang nagpapahirap sa ating mga sarili.

Habang tayo'y nabubuhay, tayo'y balot ng problema. Ang iba marahil katatapos lang ng problema, karamihan ay sadlak pa rin sa problema at ang ang iba ay nagsisimula pa lang ang problema. Ika nga balot ang tao sa problema habang nabubuhay. Ito marahil ang bunga ng pagkakasala nila Adam at Eva. Kaya't baon-baon natin ito, at pati na rin ang mga ka-apo apohan natin.

Subalit, hindi naman puro problema ang buhay. Kung susuriin ng maigi, napakabait ng DIYOS upang bigyan tayo ng kasiyahan datapwat may problema. Ito ay ang pananalig at pagtitiwala na ang mga nangyayari sa buhay natin ay may mga rason. Hindi naman kung gaano ka-hirap ang isang problema sinusukat ang kakayahan ng tao, higit dun ay kung gaano katatag and isang tao sa pagharap sa problema.

Sa opisina namin ko lubos natanto ang ganitong pag-iisip. Sa bawat araw na nagdadaan, lagi na lang na may iisipin ka pa paglubog ng araw. Masamang araw? hmmm...pwedeng sabihing ganun na nga, subalit iniisip ko rin ang mga masasayang oras na lumipas, kaya't kung susuriin lamang pa rin ang masasayang sandali. Hahayaan ko na lang ba na balutin ako ng problema at sakit sa ulo?

Ang isa pang nagpapa-gaan sa aking isipan ay ang activity na ginagawa namin tuwing Huwebes. KoneK - isang midweek service na ginaganap sa Jollibee, Makati Ave. Sa gabing ito, naging backup ako para sa aming music ministry.

Kaya't higit abot langit ang saya ng makita ko na naman ang aking mga kapanalig, kapatiran...tinuring kong mga kaibigan at pamilya.

Natapos ang araw na kahit may bakas ng problema ay tuwa naman ang naibaon nito sa aking labi hangang sa pag-uwi.