Wednesday, January 16, 2008

Words Can Change You

Nagkaroon ng kunting aberya sa opisina ngayong araw na ito. Hindi ko lang kasi matanggap ang mga salitang narinig ko sa isa sa mga kliyente namin. Hindi ko rin lubos akalain na sa tinagal-tagal ng pagpoproseso ko sa kanyang problema ay nakuha pa niyang maniwala sa iba at imbes na pagtuunan ng pansin ang problema ay sa akin ibaling ang inis at galit sa hindi pang naayos na problema.

Higit kong ikinagulat nang bigla niyang sabihin na ikinulo ang mga prosesong ginawa ko ng isa sa mga kasamahan naming higit naming pinagkakatiwalaan at inaasahan. Ayun sa kliyente, pinasinungalingan daw ng kasamahan namin ang mga proseso ng kanyang kahilingan at mga pakiusap.

Pumintig ang tenga ko at sa inis ko ay ibinaling ko sa kasamahan namin ang puno't dulo ng problema. Sa wari ko, total makikita naman ng lahat ang mga detalye ng mga pangyayari dahil sa ang lahat ng transaksyon ay nakatala at nakatago sa sistema ng companya.

Sa bandang huli, hindi ako nagpanaig sa takot at hinarap ko ang araw ng buon tapang at dignidad. Napagtanto ko na hindi sa lahat ng bagay ay kelangan mong magpakumbaba at magsa-walang kibo na lang, lalo na't ang karangalan, dignidad at pangalan mo ang nakataya. Importante ang lakas ng loob upang harapin ang anumang pagsubok na dadaraan sa buhay, at higit na magpursige kang lumaban kung alam mong kakampi mo ang tama.


Hindi ko man marahil naekwento ang bawat detalye ng mga nangyari, dahil hindi ko naman hangad na palawakin at pahabain pa ang diskusyon ng giyera, subalit ang nais ko lang iparating sa madla ang importansya na alamin ang tama sa mali. At kung ito'y natukoy mo na, piliin mo sana ang kumampi sa tama. Dahil kung nasaan ang DIYOS andun ang laging tama.


Sa pagmuni-muni ko sa araw na ito, higit akong natuwa dahil ito rin ang usapin sa 'Our Daily Bread - January 16' na pinamagatang Doing Justice. Ang kwento ko marahil ang siyang makakapagbigay linaw sa paksang ito.


You shall not follow evil; nor shall you testify in a dispute so as to turn aside after many to pervert justice.
- Exodus 23:2



Justice is the clarion call for all Christian -
We cannot step aside from what GOD said
He has told us how to treat our neighbor,
And we must follow in the path He's led.
- Hess

0 comments: